Ráðstefnan fjallar um áhrif skynditísku á umhverfið og samfélagið. Tískuiðnaðurinn hefur breyst mikið á síðustu árum. Venjan var sú að 4 fatalínur voru gerðar á einu ári; sumar, haust, vetur og vor. Því skipulagi hefur verið hent út um gluggann og nú virkar tískugeirinn á allt annan hátt. Í dag eru mörg fatafyrirtæki að framleiða nýja fatalínu á viku fresti, það eru 52 fatalínur á ári hjá mörgum mismunandi fyrirtækjum. Þessi föt eru hræódýr því vinnuaflið er staðsett í löndum með verra efnahagslíf og lægri lágmarkslaunum. Ráðstefnan skoðar sérstaklega neysluhegðun íslendinga og hverjar afleiðingarnar eru. Við höfum séð aukna erlenda netverslun á Íslandi seinustu ár, þá sérstaklega hjá svokölluðum skynditísku fyrirtækjum. Íslendingar henda mikið af textílvörum í ruslið, sem enda á ruslahaugum og tekur 200 ár að brotna niður.

Með ráðstefnunni vill Miðstöð íslenskra neytenda efla gagnrýna hugsun og fræða almenning um mikilvægi þess að kynna sér hvaðan vörurnar koma, hvetja til að kaupa minna og kaupa meðvitað. Hvert er hlutverk okkar sem neytenda? Við sem viðskiptavinir skiptum miklu máli í þessu kaupóða kerfi og getum haft mikil áhrif.

Ráðstefnan fjallar líka um hvað við getum gert á Íslandi. Versla notuð föt, skiptast á fötum, nota gömul föt lengur, gera við flíkur og fjárfesta í vel unnum fötum sem endast í mörg ár.